काठमाडौं । प्रतिनिधिसभा सदस्य निर्वाचनअन्तर्गत मुस्ताङ जिल्लामा नेपाली कांग्रेसका उम्मेदवार योगेश गौचन थकाली विजयी भएका छन्। उनले कुल ३ हजार ३०७ मत प्राप्त गर्दै निकटतम प्रतिस्पर्धी नेकपा एमालेका उम्मेदवार इन्द्रधार ढाडु विष्टलाई १ हजार ५०४ मतान्तरले पराजित गरेका हुन्। निर्वाचन अधिकृतको कार्यालयका अनुसार एमालेका विष्टले १ हजार ८०३ मत प्राप्त गरेका छन्।
यसैगरी राष्ट्रिय स्वतन्त्र पार्टीका उम्मेदवार अधितीयचन्द्र थकालीले ७५९ मत प्राप्त गरेका छन्। अन्य उम्मेदवारमध्ये राष्ट्रिय प्रजातन्त्र पार्टीकी कमला लालचनले १६१ मत प्राप्त गरिन् भने नेपाली कम्युनिष्ट पार्टीका उम्मेदवार ङुटुक गुरुङ (टाइगर) ले १५१ मत ल्याए। उज्यालो नेपाल पार्टीका डा. सुरेन्द्र शेरचनले ८५ मत प्राप्त गर्दा आम जनता पार्टीका अजय विकले ९ मत र मङ्गोल नेशनल अर्गानाइजेशनका यमबहादुर गुरुङले ३ मत प्राप्त गरेका छन्।
मुस्ताङ जिल्लाका पाँच पालिकामा रहेका ३९ मतदान केन्द्रमा कुल ११ हजार ३२८ मतदाता रहेकामा १० हजार ७७ मत खसेको थियो। त्यसमध्ये १०७ मत बदर भएको निर्वाचन अधिकृतको कार्यालयले जनाएको छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
