यमनका राष्ट्रपतिद्धारा भारतीय नर्स निमिषाको मृत्युदण्ड अनुमोदन

काठमाडौँ, १७ पुस । यमनका राष्ट्रपति रसद अल अलिमीले भारतीय नर्स निमिषा प्रियालाई दिइएको मृत्युदण्डको सजायलाई अनुमोदन गरेका छन्। भारतीय सञ्चारमाध्यमका अनुसार, राष्ट्रपति अलिमीले जेलमा बन्द भारतीय नर्स निमिषा प्रियालाई दिइएको मृत्युदण्डको सजायलाई अनुमोदन गरेका छन्। यसपछि, भारतको विदेश मन्त्रालय (एमईए) ले मंगलबार जनाएको छ कि निमिषालाई सम्भावित सबै सहयोग उपलब्ध गराइनेछ।

केरलाको पलक्कड जिल्लाको कोलेन्गोडेकी ३६ वर्षीया नर्स निमिषा प्रिया सन् २००८ मा आफ्ना आमाबुवालाई सहयोग गर्न यमन गएकी थिइन्। यमनमा धेरै अस्पतालमा काम गरेपछि उनले आफ्नो क्लिनिक खोल्ने निर्णय लिई, २०१४ मा तलाल अब्दो महदीसँग साझेदारी गर्ने कुरा थालिन्, किनकि स्थानीय कानून अनुसार यमनमा व्यवसाय सञ्चालन गर्न स्थानीय साझेदारको आवश्यकता पर्छ। दुवैबीचको मनमुटावपछि, निमिषाले महदीविरुद्ध प्रहरीमा उजुरी दिएकी थिइन्, जसका कारण उनलाई २०१६ मा पक्राउ गरिएको थियो। रिहा भएपछिको समयमा पनि उनलाई धम्की दिइरहेका थिए।

२०१७ मा, निमिषा र यमनका व्यापारिक साझेदार महदी बीच विवाद बढ्यो, जब उनले महदीको कथित कोषको दुरुपयोगको विरोध गरिन्। निमिषाका परिवारका सदस्यहरूले आरोप लगाएका छन् कि महदीले आफ्नो जफत गरिएको राहदानी फिर्ता गर्न निमिषालाई शैतानिक औषधि सुई लगाएको थियो, जसका कारण ओभरडोजले उनको मृत्यु भएको दाबी गरेका छन्। अब, निमिषालाई एक महिनाभित्र मृत्युदण्डको सजाय लागू गरिनेछ।