मौसम पूर्वानुमान: कोशी, मधेस, बागमतीमा वर्षा

काठमाडौँ । जल तथा मौसम पूर्वानुमान महाशाखाले देशको पश्चिम र मध्य भूभागमा पश्चिमी तथा स्थानीय वायुको प्रभाव रहेको बताएको छ । कोशी प्रदेशका धेरै भागमा मनसुनी वायुको असर रहेको छ ।

आज दिउँसो कोशी, मधेस, बागमती र गण्डकी प्रदेशका पहाडी क्षेत्रमा आंशिकदेखि साधारण बदली रहने छ भने अन्य भागमा सफा देखि आंशिक बदली रहने छ । यी क्षेत्रका केही स्थानमा मेघगर्जन र चट्याङसहित हल्का देखि मध्यम वर्षा हुने सम्भावना छ । उच्च पहाडी र हिमाली भागमा हल्का वर्षा र हिमपात पनि हुन सक्छ ।

राति देशभर आंशिकदेखि साधारण बदली रही केही स्थानमा वर्षा र मेघगर्जनको सम्भावना रहेको छ ।