फागुन ६ र ७ मा एकीकृत समाजवादीको स्थायी कमिटी र पोलिटब्यूरो बैठक बस्दै

काठमाडौँ , २ फागुन ।  नेपाल कम्युनिष्ट पार्टी (एकीकृत समाजवादी) ले फागुन ६ र ७ गते स्थायी कमिटी र पोलिटब्यूरो बैठक बोलाएको छ। बैठकमा समसामयिक राजनीतिक विषयवस्तु, सरकारका अध्यादेश, संसद्‍मा पार्टीको भूमिका, भ्रष्टाचार र जनजीविका मुद्दामा प्रतिपक्ष दलसँग सहकार्यका विषयमा छलफल हुनेछ।

फागुन ८ गते केन्द्रीय कमिटी बैठकको एजेण्डा र कार्यसूची अनुमोदन गर्नेछ। बैठकले पार्टीको संगठन गठन, पुनर्गठन र भूगोल केन्द्रित जिम्मेवारीको समीक्षा गर्नेछ। वामपन्थी शक्तिबीच एकता र समान विचारधाराका दलसँग मोर्चा बनाउने निर्णय पनि गरिनेछ।