एमालेले सुदूरपश्चिमका  मुख्यमन्त्री सोडारीलाई विश्वासको मत दिने

काठमाडौँ, जेठ २ । नेकपा ( एमाले)  ले  सुदूरपश्चिम प्रदेशका मुख्यमन्त्री दीर्घबहादुर सोडारीलाई विश्वासको मत दिने भएको छ । नेकपा ( एकीकृत समाजवादी) का दलका नेतासमेत रहेका मुख्यमन्त्री सोडारीले भोली बिहीबार विश्वासको लिने कार्यक्रम रहेको छ ।

एक महिना अगाडी मुख्यमन्त्री नियुक्त भएका सोडारीले यसअघि वैशाख २१ र २२ गते समेत विश्वासको मत लिन खोजेका थिए तर एमालेले निर्णय नगर्दा विश्वासको मत लिने कार्यक्रम स्थगित भएको थियो। सोडारीलाई विश्वासको मत पाउन २७ जनाको समर्थन आवश्यक पर्छ ।

मुख्यमन्त्री सोडारीलाई एमालेका ११  ,माओवादी केन्द्रका १०, एकीकृत समाजवादीका ४, नागरिक उन्मुक्तिका २ र स्वतन्त्र १ जना गरेर २८ जना प्रदेश सभा सदस्यको समर्थन रहेको छ।