एमाले चाहे केही दिनमै  गठबन्धन भत्काउन सक्छ:उपाध्यक्ष पौडेल

काठमाडौँ, चैत १७ ।  नेकपा एमालेका उपाध्यक्ष विष्णु पौडेलले एमालेले चाहे केही दिनमै  गठबन्धन भत्काउन सक्ने  बताएका छन् । तर, एमाले अहिले त्यो बाटोमा नरहेको  उनले बताए ।

शुक्रबार प्रेस चौतारी नेपालले कैलालीमा आयोजना गरेको पत्रकार सम्मेलनमा बोल्दै  उनले यस्तो बताएका हुन् ।

उनले भने, ‘अहिले म तिथिमितितिर जान्न । मैले यति भने की हामी अहिले यो गठबन्धन भत्काउने, अर्को गठबन्धन बनाउने त्यो काममा लागेका छैनौँ, एमाले लाग्यो भने त्यो केही दिनको विषय हो । यसरी वा त्यसरी जे होस् कुनैपनि गठबन्धन भत्काएर अर्को गठबन्धन बनाउने धन्दामा हामी लागेका छैनौँ । यदी एमालेले त्यो आवश्यक्ता महशुस गर्यो भने केही हप्ताको काम हुन्छ ।’

नेता भीम रावलले एक पछि अर्को गल्ती गरेको , पार्टीको अनुशासनमा नबसेको र पार्टी सदस्यको कर्तव्य निर्वाह नगरेको आरोप समेत उपाध्यक्ष  पौडेलले लगाए ।पौडेलले बैशाख १० गते हुने उपनिर्वाचनमा एमाले एक्लै चुनावी मैदानमा जाने र नित्ने समेत दावी गरे ।