आज राष्ट्रनिर्माता पृथ्वीनारायण शाहको जन्मजयन्ती , सार्वजनिक बिदा

काठमाडौं, पुस २७। आज पृथ्वीनारायण शाहको ३०१ औं जन्मजयन्ती मनाइँदैछ ।  विसं १७७९ पुस २७ गते गोरखामा राजा नरभूपाल शाह र रानी कौशल्यावतीका कोखबाट पृथ्वीनारायण शाहको जन्म भएको थियो । विसं १७९९ चैत २५ गते पृथ्वीनारायण शाह राजा  भएका थिए ।

पृथ्वीनारायण राजा भएपछि पूर्वमा टिस्टादेखि पश्चिममा चेपे नदीसम्म नेपालको सीमा विस्तार गर्न उनी सफल भए । पृथ्वीनारायण शाहले विसं १८०१ मा नुवाकोट विजय गरेर विसं १८२६ सालमा काठमाडौँ उपत्यका विजय हासिल गरेका थिए । पृथ्वीनारायण शाहको सम्झनामा आज देशभर विभिन्न कार्यक्रम गरी ३०१ औँ जन्मजयन्ती मनाइँदैछ ।

यँहि अवसरमा सरकारले आज सार्वजनिक बिदा पनि दिएको छ ।