बढेर आयो पेट्रोल र डिजेलको मूल्य

काठमाडौँ  ,१६ भाद्र | भारतीय आयल कर्पोरेसन (आईओसी)ले नेपाल आयल निगमलाई पेट्रोलियम पदार्थको  मूल्य बढाएर पठाएको छ ।नयाँ मूल्यसूचीअनुसार एलपीजी ग्यासबाहेक सबै पेट्रोलियम पदार्थको मूल्य बढेको छ ।

नयाँ मूल्यसूचीअनुसार पेट्रोल प्रतिलिटर १ .३९ पैसा र डिजल ६.१२ पैसा बढेर आएको छ ।यस्तै, हवाई इन्धन ८ रुपैयाँले बढेर आएको छ भने खाना पकाउने एलपीजी ग्यासको मूल्य भने प्रतिसिलिन्डर १२० रुपैयाँ घटेर आएको छ ।

भारतीय आयल कर्पोरेसनले निगमलाई प्रत्येक १५–१५ दिनमा नयाँ मूल्यसूची पठाउने गरेको छ । नयाँ मूल्य प्राप्त भए पनि निगमले उपभोक्ता बिक्री मुल्यबारे भने कुनै निर्णय गरेको छैन ।

यसअघि लगातार तीन पटक घटेर मूल्य प्राप्त भएपनि निगमले बिक्री मूल्य घटाएको थिएन । नयाँ बिक्री मूल्यबारे बिहीबार साँझ बस्ने निगम बोर्ड बैठकले निर्णय गर्न सक्ने निगमका एक अधिकारिले बताए ।