भारतीयबाट एलपी ग्यासको मूल्य प्रतिसिलिण्डर ३३९ रुपैयाँ बढेर आयो

काठमाडौँ, १७ फागुन । भारतीय आयल कर्पोरेशन (आइओसी) बाट ग्याँस बाहेक सैब पेट्रोलियम पदार्थको मूल्य घटेर आएको छ ।नयाँ मूल्यसूचीअनुसार खाना पकाउने एलपी ग्यासको मूल्य ३३९ रुपैयाँ प्रतिलिसिन्डर बढेको छ ।

भारतबाट ग्यासको मूल्य बढेर आए पनि डिजेल र पेट्रोलको मूल्य भने सामान्य घटेर आएको छ । आइओसीले पठाएको नयाँ मूल्य सूचीअनुसार पेट्रोल प्रतिलिटर एक रूपैयाँ २१ पैसा र डिजेल प्रतिलिटर ५ रूपैयाँले घटेको हो।

त्यस्तै नयाँ मूल्य सूचीअनुसार मट्टितेल प्रतिलिटर ३ रूपैयाँ ४० पैसा र हवाई इन्धन ५ रूपैयाँले घटेर आएको छ।
एलपिजी ग्याँस भने प्रतिसिलिन्डर ३ सय ४९ रूपैयाँले वृद्धि भएको छ।

हाल नेपाली बजारमा पेट्रोलको मूल्य प्रतिलिटर १७८ र डिजेलको मूल्य प्रतिलिटर १७५ रुपैयाँ विक्रि वितरण भईरहको छ ।