प्रतितोला १९ सयले बढ्यो सुनको मूल्य

काठमाडौँ ,२२ माघ । आज नेपाली बजारमा सुनको मूल्यमा वृद्धि भएको छ। सोमबार स्थिर रहेको सुनको भाउ यसदिन प्रतितोला एक हजार नौ सय रूपैयाँ बढेको हो। नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ६४ हजार सात सय रूपैयाँमा कारोबार भइरहेको छ।

यसैगरी, सोमबार प्रतितोला एक हजार आठ सय ९५ रूपैयाँमा कारोबार भएको चाँदी आज मंगलबार प्रतितोला एक हजार नौ सय ३० रूपैयाँमा कारोबार भइरहेको महासंहले जनाएको छ ।