घट्यो सुनको मुल्य, कतिमा हुँदैछ कारोबार ?

काठमाडौँ, १७ भाद्र। कारोबारको अन्तिम दिन आज शुक्रबार नेपाली बजारमा सुनको मूल्य घटेको छ।

नेपाल सुनचाँदी ब्यवसायी महासंघका अनुसार बिहिबार प्रति तोला ९३ हजार १ सय रुपैयाँमा कारोबार भइरहेको छापावाला सुन आज १ सयले घटेर प्रति तोला ९३ हजार रुपैयाँमा कारोबार भईरहेको छ।

तेजाबी सुनको मूल्य प्रतितोला रु ९२ हजार ५ सय रुपैयाँ कायम भएको छ ।

यता, चाँदीको मूल्य प्रति तोला १ हजार १ सय ५ रुपैयाँ कायम भएको छ। चाँदी मूल्य प्रति तोला ५ रुपैयाँले बढेको हो। बिहिबार चाँदीको मूल्य प्रति तोला १ हजार १ सय रुपैयाँमा कारोबार भएको थियो।