माओवादी केन्द्रले  मुख्यमन्त्री सोडारीलाई विश्वासको मत दिने

काठमाडौँ, जेठ ३ । नेकपा  (माओवादी ) केन्द्रले  मुख्यमन्त्री दीर्घबहादुर सोडारीलाई विश्वासको मत दिने निर्णय गरेको छ । सुदूरपश्चिमका मुख्यमन्त्री सोडारीले आज प्रदेश सभाबाट विश्वासको मत लिँदै छन ।

एक महिना अगाडी मुख्यमन्त्री नियुक्त भएका सोडारीले यसअघि वैशाख २१ र २२ गते समेत विश्वासको मत लिन खोजेका थिए तर एमालेले निर्णय नगर्दा विश्वासको मत लिने कार्यक्रम स्थगित भएको थियो। सोडारीलाई विश्वासको मत पाउन २७ जनाको समर्थन आवश्यक पर्छ ।

मुख्यमन्त्री सोडारीलाई एमालेका ११ , माओवादी केन्द्रका १० , एकीकृत समाजवादीका ४ , नागरिक उन्मुक्तिका २ र स्वतन्त्र १  जना गरेर २८ जना प्रदेश सभा सदस्यको समर्थन रहेको छ। नेकपा  (एमाले) ले सुदूरपश्चिम प्रदेशका मुख्यमन्त्री दीर्घबहादुर सोडारीलाई विश्वासको मत दिने भएको छ ।