सन्दीपविरुद्धको मुद्दामा आज अन्तिम सुनुवाइ हुँदै

काठमाडौँ, वैशाख ११ |  क्रिकेटर सन्दीप लामिछानेविरुद्धको मुद्दामा आज अन्तिम सुनुवाइ हुँदैछ । सन्दीपविरुद्ध जिल्ला अदालत काठमाडौंमा सन्दीपविरुद्धको  मुद्दाको आज अन्तिम सुनुवाइको  पेसी तोकिएको हो ।

चैत २६ गते जिल्ला अदालत काठमाडौंका न्यायाधीश शंकरराज बरालको इजलासले किशोरीको मेडिकल गर्ने डाक्टर र क्रिकेटर साहब आलमको बकपत्र गराउन आदेश दिएका थिए ।

पीडितको मेडिकल गर्ने डाक्टर र  क्रिकेटर साहब आलमको  बकपत्र गराइसकिएको छ । यससँगै मुद्दा फैसलाका लागि आज अन्तिम सुनुवाइ गरिने भएको हो ।