आजको लामिछाने विरूद्धकाे मुद्दा स्थगीत

काठमाडौँ, ९ माघ । नाबालिग बलात्कारको अभियोग लागेका नेपाली क्रिकेटका पूर्व कप्तान सन्दीप लामिछानेको मुद्दामा आज सुनुवाई नहुने भएको छ ।

पीडित नाबालिकाको वकिलले सुनुवाई स्थगीत गरेपछि आज सुनुवाई स्थगीत भएको हो ।

जिल्ला अदालत काठमाडौंका न्यायाधीश नारायणप्रसाद दाहालको इजलासमा छैठौं नम्बरमा पेशी तोकिएको थियो ।

जिल्ला अदालतले कात्तिक १८ गते सन्दीपलाई पुर्पक्षका लागि थुनामा पठाउने आदेश दिएको थियो । तर जिल्लाको आदेश बदर गर्दै उच्च अदालतले २० लाख नगद धरौटीमा रिहा गर्न आदेश दिएको थियो । लामिछाने विभिन्न १० वटा शर्तसहित जेलमुक्त भएका छन् ।

उच्च अदालतको आदेशसँगै उनी ९९ दिनपछि थुनामुक्त भएका थिए । एक नाबालिगलाई बलात्कार गरेको आरोप लागेपछि असोज २० गते त्रिभुवन अन्तराष्ट्रिय विमानस्थलबाट उनी पक्राउ परेका थिए।