रेशम चौधरीको आममाफीको फाइल गृहमन्त्रालय पुग्यो

काठमाडौं, जेठ १२  । राष्ट्रपति कार्यालयले रेशम चौधरीको आममाफीको विषयमा निर्णय गर्न फाइल गृहमन्त्रालय पठाइएको छ ।

‘‘रेशम चौधरीको आममाफीका सम्बन्धमा प्रचलित कानून, रेशम चौधरीको मुद्दासम्बन्धी सर्वोच्चको फैसला, सर्वोच्च अदालतद्वारा प्रतिपादित सिद्धान्त विपरीत नहुने गरी कानुनबमोजिम गर्न भनेर राष्ट्रपति कार्यालयले गृहमन्त्रालयमा फाइल फिर्ता गरेको छ ।’’ राष्ट्रपतिका प्रेस संयोजक खिला कार्कीले बताए ।

उक्त घटनामा ज्यान गुमाएका प्रहरी निरीक्षक केशव बोहराको धर्मपत्नी शारदा  बोहराले शुक्रबार राष्ट्रपति कार्यालयमा निवेदन दिएकी हुन् ।

सरकारले रेशम चौधरीलाई आममाफी दिन लागेको विषय बाहिरिएपछि शुक्रबार शारदा पत्र लिएर शीतलनिवास पुगेकी थिइन् ।