काठमाडौं।फेसबुकमा हालसालै मोबाइल बैंकिङ ट्रान्सफरमा लाग्ने अतिरिक्त चार्जको बारेमा विभिन्न सुझावहरू प्राप्त भैरहेका छन्। हालका दिनहरूमा, धेरै व्यक्तिहरू डिजिटल माध्यमबाट रकम ट्रान्सफर गर्दैछन्, जसका कारण सानोसानो कारोबारमा पनि क्यासलेस प्रवृत्तिमा वृद्धि भएको छ।
जाजरकोटका अबिन बिकेले फेसबुकमा लेखेका छन्, “म दैनिक रूपमा सय/पचास रुपैयाँका कारोबार दिनमा ५/६ पटक गर्छु र हरेक पटक ११ रुपैयाँ ३० पैसा चार्ज लाग्छ। यसरी मेरो दैनिक खर्च ६०/७० रुपैयाँको हाराहारीमा पुग्छ र महिनामा यो खर्च दुई हजारदेखि २२ सय रुपैयाँसम्म पुग्छ। यो चार्ज हटाउन सकिन्छ कि?”
साना डिजिटल कारोबारमा लगाइएको चार्जलाई निःशुल्क बनाउने विषयमा सम्बन्धित अधिकारीसँग छलफल भइरहेको छ। नागरिकहरूले आफ्नो समस्याबारे सरकारलाई यस्तै प्रकारले जानकारी दिन सक्नेछन्। यस विषयमा सरकारले आवश्यक कार्यवाही गर्दै जाने जनाएको छ।
डिजिटल कारोबारमा हरेक रकम ट्रान्सफरमा शुल्क लाग्ने विषयलाई लिएर प्रधानमन्त्रीस्तरबाट राष्ट्र बैंकका गर्भनरसँग छलफल प्रारम्भ भएको छ। स्रोतका अनुसार, यो मुद्दालाई प्राथमिकतामा राखेर छलफल गरिएको छ, ताकि साना रकमको लेनदेनमा लाग्ने अतिरिक्त शुल्कलाई न्यूनतम बनाउन वा हटाउनका लागि समाधान खोजी गर्न सकियोस्।
डिजिटल ट्रान्जेक्शनमा लाग्ने शुल्कले व्यापारी र उपभोक्तामा आर्थिक भार थपिरहेको छ, र यसलाई प्रभावकारी ढंगले व्यवस्थापन गर्न उच्चस्तरीय छलफल र निर्णयको आवश्यकता रहेको छ। सरकारी निकायहरूले यस विषयमा जनताको समस्या सुनेर उचित कदम चालेको जनाएको छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
