संसद अवरुद्ध हुन नदिन सभामुख घिमिरेले प्रमुख दलका नेतासँग छलफल गर्ने

काठमाडौँ, चैत २६  – सभामुख देवराज घिमिरेले प्रतिनिधिसभा बैठक अवरुद्ध हुन नदिन प्रमुख दलका नेताहरुसँग परामर्शका लाीग दिउँसो २ बजे सिंहदरवारमा बैठक बोलाइएको छ । प्रमुख प्रतिपक्षको चेतावनीबिच सभामुखले प्रधानमन्त्री प्रचण्डसहित चार दलका शीर्ष नेताहरूसँग छलफल गर्न लागेका हुन् ।

नेपाली कांग्रेसले सदनमा निरन्तर गृहमन्त्री रवि लामिछानेको सहकारी संलग्नता सम्बन्धमा संसदीय छानबिन समिति गठन हुनुपर्ने माग गर्दै आएको छ । सो माग पूरा नभए चैत २७ देखि संसद बैठक अबरुद्ध गर्ने चेतावनी सो दलले दिएको छ ।  सभामुखसँगको छलफलमा प्रधानमन्त्री प्रचण्ड, कांग्रेस सभापति शेरबहादुर देउवा, एमाले अध्यक्ष केपी शर्मा ओली र गृहमन्त्री  रवि लामिछाने सहभागी हुनेछन् ।  बैठक सभामुखको कार्यकक्ष सिंहदरवारमा बस्नेछ ।