डिजिटल बैंकिङलाई प्रोत्साहन गर्दै सिद्धार्थ बैंकको ‘दशैंको बहार, क्यासब्याक उपहार’ योजना सार्वजनिक

काठमाडौँ , ९ असोज । सिद्धार्थ बैंक लिमिटेडले दशैंको अवसरमा ग्राहकलाई लक्षित गर्दै ‘दशैंको बहार, क्यासब्याक उपहार’ योजना ल्याएको छ ।

जसमा ग्राहकले असोज १४ गतेसम्म बैंकको डेबिट कार्ड प्रयोग गरी पहिलो पटक पीओएस अथवा अनलाइन कारोबार गर्दा २० प्रतिशत वा अधिकतम रू २००० क्यासब्याक पाउन सक्ने योजना उल्लेख रहेको छ ।

बैंकले हाल देशभर १९० ओटा शाखा, ११८ शाखारहित इकाइ, १ हजार ७०० भन्दा बढी पीओएस मेशिन र २० हजार भन्दा बढी क्यूआर मर्चेन्टमार्फत बैंकिङ सेवा दिँदै आएको छ ।

नेपालमा कोरोना भित्रिएसँगै बिस्तारै नेपालीहरुक डिजिटल बैंकिङतिर आर्कष्ण बढेको छ र बैंकको यो योजनाले ग्राहक थप प्रोत्साहीत हुने विश्वास बैंकले लिएको छ ।