रास्वपाको वाचापत्रले झिनै भए पनि युवाहरुमा आशा जगाएको छ:बाबुराम भट्टराई

काठमाडौँ । पूर्वप्रधानमन्त्री र प्रगतिशील लोकतान्त्रिक पार्टीका नेता डा। बाबुराम भट्टराई ले हालको निर्वाचनका लागि दलहरूले सार्वजनिक गरेको घोषणापत्रहरूको स्तर विगतको तुलनामा राम्रो भएको बताएका छन्। ठूला पुराना दल र नयाँ दलहरूको घोषणापत्र हेर्दा जनताका, विशेषगरी युवाहरूका बढ्दो अपेक्षालाई ध्यानमा राखिएको देखिन्छ। यसले विगतको तुलनामा घोषणापत्रको गुणस्तर बढेको स्पष्ट देखाउँछ।

डा। भट्टराईका अनुसार, घोषणापत्रमा राखिएका लक्ष्यहरू महत्वाकांक्षी देखिए पनि अर्थतन्त्रको विकास, बेरोजगारी कम गर्ने र दीगो प्रगतिका लागि केही प्रमुख सुधारहरू आवश्यक छन्। उनी भन्छन्, आन्तरिक रूपमा दिगो राजनीतिक स्थिरता सुनिश्चित गर्न प्रत्यक्ष निर्वाचित कार्यकारी र समानुपातिक संसदको व्यवस्था हुनुपर्छ। बाह्य रूपमा, दुई ठूला छिमेकी अर्थतन्त्रसँग जोडिन सक्ने रणनीति लागू गर्नुपर्छ।

यदि यी सुधार बिना मात्र महत्वाकांक्षी घोषणापत्र जारी गरियो भने, लक्ष्यहरू पुरा नहुने जोखिम छ। उनी प्रमुख दलहरूले यसबारे बोल्न नसक्नु विडम्बनापूर्ण भएको र रास्वपाले यसबारे थोरै भए पनि आवाज उठाएकोमा आशा देखाएको बताए। डा। भट्टराईले भने, निर्वाचनबाट प्राप्त म्यान्डेटलाई सही तरिकाले लागू गर्न सकिए नयाँ समृद्ध नेपाल बनाउने सपना पूरा हुनेछ, अन्यथा यो निर्वाचन पनि केवल औपचारिकता मात्रै हुनेछ।