प्रधानमन्त्री सुशीला कार्की आज राष्ट्रको नाममा सम्बोधन गर्ने

काठमाडौँ — प्रधानमन्त्री सुशीला कार्की आज साँझ ६ बजे राष्ट्रको नाममा सम्बोधन गर्ने कार्यक्रम तय भएको छ। यो सम्बोधनको समन्वय सूचना, सञ्चार तथा प्रविधि मन्त्रालयले गरिरहेको छ।

गत २३ र २४ भदौमा जेनजीहरूले आयोजना गरेको प्रदर्शनपछि सुशीला कार्की २७ भदौमा प्रधानमन्त्री नियुक्त भएकी थिइन्। सम्बोधनको तयारी गृहमन्त्री ओमप्रकाश अर्यालको नेतृत्वमा भइरहेको छ भने मुख्यसचिवसहित केही सचिवहरू पनि यस प्रक्रियामा संलग्न छन्।