काठमाडौँ, २०८१ मंसिर २० – प्रधानमन्त्री केपी शर्मा ओलीले आज झापाको दमकमा एक अर्ब ४५ करोडको लागतमा निर्मित १८ तले भ्यू–टावरको उद्घाटन गर्ने कार्यक्रम तय भएको छ। दमक नगरपालिका–३, दापगाछीस्थित उक्त भवनको उद्घाटन समारोह आज दिउँसो १ बजे हुने जनाइएको छ।
“दमक बिजनेस कम्प्लेक्स” नामक उक्त भवन चिनियाँ निर्माण कम्पनी जेडसिजीआइआइसी र आशिष ओम साइराम कम्पनीको संयुक्त पहलमा निर्माण गरिएको हो। यस भवनको शिलान्यास प्रधानमन्त्री ओलीले पाँच वर्षअघि गरेका थिए।
प्रधानमन्त्रीको उद्घाटन पछि, उक्त भवन व्यापार र आवासीय कार्यका लागि समर्पित हुनेछ र यसले दमक क्षेत्रको व्यापारिक गतिविधि र संरचनात्मक विकासमा महत्वपूर्ण योगदान पुर्याउने अपेक्षा गरिएको छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
