काठमाडौं — राष्ट्रपति रामचन्द्र पौडेलले आज सर्वदलीय बैठक बोलाएका छन् । बैठकमा आगामी फागुन २१ गते हुने प्रतिनिधि सभा निर्वाचन, हालको राजनीतिक अवस्था र नयाँ सरकार गठन लगायत विषयमा छलफल हुने बताइएको छ।
यो राष्ट्रपति र राजनीतिक दलका नेताबीच पहिलो पटक संवाद हो, किनकि गत भदौ २३–२४ को जेनजी आन्दोलनपछि प्रतिनिधि सभा विघटित भएको थियो। बैठक दिउँसो ४ बजे राष्ट्रपति कार्यालयमा बस्नेछ।
राष्ट्रपति कार्यालयका अनुसार छलफलमा प्रधानमन्त्री सुशीला कार्कीसहित राजनीतिक दलका प्रमुख नेताहरू सहभागी हुनेछन्। हिजो पनि राष्ट्रपति पौडेल र प्रधानमन्त्री कार्कीबीच भेटवार्ता भएको थियो।
बैठकको उद्देश्य सबै दलबीच सहमति र विश्वासका साथ निर्वाचन वातावरण बनाउन र आगामी राजनीतिक कदममा समन्वय कायम गर्नु रहेको बताइएको छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
