मालीले यस प्रशिक्षणमार्फत स्वास्थ्य नीतिगत कार्यान्वयन, अनुसन्धान प्रविधि तथा ग्लोबल हेल्थ स्ट्राटेजी सम्बन्धी ज्ञानलाई थप सबल पारेकी छन् । उनले प्राप्त गरेको अनुभव नेपाल लगायत विकासोन्मुख मुलुकमा स्वास्थ्य सेवा प्रणाली सुधारमा समेत उपयोगी हुने अपेक्षा गरिएको छ ।
उनको यस उपलब्धिलाई शैक्षिक वृत्तले उच्च प्रशंसा गरेको छ । मालीले आफु सहभागी बनेको यस कार्यक्रममा शैक्षिक अनुशासन, अनुसन्धान पद्धति, कार्यान्वयन विज्ञानका चुनौती र समाधान रणनीतिबारे प्रत्यक्ष सिक्ने अवसर पाएको बताएकी छन् ।
उनले भनिन्, “ग्लोबल हेल्थ क्षेत्रमा कार्यान्वयन विज्ञान अझै महत्वपूर्ण हुँदै गएको छ । यस प्रशिक्षणले मलाई केवल शैक्षिक दृष्टिकोणमा मात्र नभई व्यावहारिक सुधारका रणनीतिमा समेत बलियो बनाएको छ । नेपाल जस्तो मुलुकमा स्वास्थ्य सुधारका लागि यस्तो ज्ञान अत्यन्तै उपयोगी हुनेछ।”
नेपालको पब्लिक हेल्थ क्षेत्रमा युवा शोधार्थी मालीको योगदान निरन्तर रहँदै आएको छ । उनको यो सहभागिता नेपालका युवा स्कलरलाई अन्तर्राष्ट्रिय स्तरमा अग्रसर गराउने प्रेरणाको स्रोत बन्ने अपेक्षा गरिएको छ ।
नेपाल नक्साले मालीलाई यस महत्वपूर्ण सफलतामा हार्दिक बधाई ज्ञापन गर्दछ र उनको आगामी शैक्षिक यात्रा अझ सफल रहोस् भन्ने शुभकामना व्यक्त गर्दछ ।
