हाजिरी जमानीमा छुटे ओली

काठमाडौं । प्रहरीले पूर्वप्रधानमन्त्री तथा नेकपा एमालेका अध्यक्षकेपी शर्मा ओलीलाई परिवारको जिम्मामा छाडेको छ। उनी उपचारका क्रममा त्रिवि शिक्षण अस्पतालमा रहेका थिए। जिल्ला प्रहरी परिसर काठमाडौंका अनुसार उनलाई हाजिरी जमानीमा परिवारलाई जिम्मा लगाइएको हो।

ओलीलाई चैत १४ गते गुण्डुस्थित निवासबाट पक्राउ गरिएको थियो। उनीमाथि जेन जेड आन्दोलनमा दमन गरेको आरोप लागेको थियो। पक्राउपछि स्वास्थ्य अवस्था जटिल बनेपछि उनलाई अस्पतालमा राखिएको थियो।

यसबीच उनकी पत्नी राधिका शाक्यले ओलीलाई गैरकानूनी रूपमा हिरासतमा राखिएको भन्दै सर्वोच्च अदालतमा बन्दी प्रत्यक्षीकरण निवेदन दिएकी थिइन्। अहिले स्वास्थ्य अवस्थालाई ध्यानमा राख्दै प्रहरीले उनलाई परिवारको जिम्मामा छाडेको जनाएको छ।