सोह्रौं वार्षिक साधारण सभा सम्बन्धी सूचना – शाइन रेसुङ्गा डेभलपमेन्ट बैंक

रुपन्देही। शाइन रेसुङ्गा डेभलपमेण्ट बैंक लिमिटेडको मिति २०८१ मंसिर २३ गते बसेको सञ्चालक समितिको ३०२औं बैठकको निर्णय बमोजिम सोह्रौं वार्षिक साधारण सभा निम्न मिति, समय र स्थानमा देहायका विषयहरु उपर छलफल तथा निर्णय गर्न बस्ने भएको हुँदा सम्पूर्ण शेयरधनी महानुभावहरुको जानकारी एवं उपस्थितीका लागि यो सूचना प्रकाशित गरिएको छ।

शाइन रेसुङ्गा डेभलपमेन्ट बैंक लिमिटेडको सोह्रौं वार्षिक साधारण सभा आगामी मिति २०८१ पौष १९ गते, शुक्रबार (जनवरी ३, २०२५) का दिन आयोजित हुने भएको छ। सभा बिहान ११:०० बजे ड्रिमल्याण्ड गोल्ड रिसोर्ट एण्ड होटल प्रा.लि., मणिग्राम, रुपन्देही मा आयोजना हुनेछ।

सभामा छलफल हुने प्रमुख बुँदाहरू निम्नलिखित छन्:

1. साधारण प्रस्तावहरू
   • आ.व. २०८०/०८१ को सञ्चालक समितिको बार्षिक प्रतिवेदन उपर छलफल गरी पारित गर्ने।
   • लेखापरीक्षकको प्रतिवेदन सहित आ.व. २०८१ सालको आषाढ मसान्तको वित्तीय अवस्थाको विवरण, नाफा/नोक्सान विवरण, नगद प्रवाह लगायतका वित्तीय विवरणहरू छलफल गरी पारित गर्ने।
   • सञ्चालक समितिले प्रस्ताव गरे अनुसार, वितरणयोग्य सञ्चित मुनाफाबाट चुक्ता पूँजीको ५% (पाँच प्रतिशत) को नगद लाभांश वितरण गर्ने प्रस्तावमाथि छलफल गरी स्वीकृति दिने। यसमा कुल रकम रु. २३,६६,८४,५४८/०० (अक्षरेपी तेईस करोड छैसठ्ठी लाख चौरासी हजार पाँच सय अठ्चालीस मात्र) निर्धारण गरिएको छ।
   • आर्थिक वर्ष २०८१/०८२ का लागि लेखापरीक्षक नियुक्त गर्ने र त्यसका पारिश्रमिक को निर्धारण गर्ने।
   • सञ्चालक समितिमा संस्थापक शेयरधनीहरूको तर्फबाट ३ जना र सर्वसाधारण शेयरधनीहरूको तर्फबाट ३ जना सञ्चालकहरूको निर्वाचन गर्ने।

उक्त साधारण सभा शाइन रेसुङ्गा डेभलपमेन्ट बैंकको , वित्तीय स्थिति र आगामी योजनाबारे छलफल गर्नका लागि महत्वपूर्ण अवसर हुनेछ। सबै शेयरधनीहरुलाई यस कार्यक्रममा उपस्थित हुन आग्रह गरिएको छ।