काठमाण्डौ ,६ पुष ।नेपाल शैक्षिक परामर्श संघ (ECAN) ललितपुर शाखाको आठ औं बार्षिक साधारण सभाबाट नयाँ नेतृत्वबाट अध्यक्षमा अरविन्द सिहं, उपाध्यक्षमा बिरेन्द्र बज्राचार्य ,सचिवमा सनम कुमार महर्जन र कोषाध्यक्षमा मुकुन्द बजगाई लगायत सदस्यहरुमा अजित कुमार थापा , विनोद कुमार भट्टराई,दिवस महर्जन,योजना हमाल,सर्वसम्मत निर्वाचित भएका छन्।
सभाले शाखाका कोषाध्यक्ष सनम कुमार महर्जनले प्रस्तुत गरेको गत वर्षको आयव्ययको प्रतिवेदन र बिरेन्द्र बज्राचार्यले प्रस्तुत गरेको शाखाका गतिविधिको वार्षिक प्रतिवेदन पारित गर्यो । शाखा अध्यक्ष उपेन्द्र देव ढकालको सभापतित्वमा सम्पन्न साधारणसभामा प्रमुख अतिथि इक्यानका केन्द्रिय अध्यक्ष शेषराज भट्टराई रहेका थिए ।
शुभकामना मन्तव्यका क्रममा इक्यान ले ललितपुर इक्यानसँगको सामीप्यता यस इन्डस्ट्रीमा आफू रहेदेखी निकट रहेको र भविष्यमा पनि निरन्तर रहने कुरा जानकारी गराउँदै साधारणसभाको सफलताको शुभकामना दिए ।
त्यसैगरी, इक्यानका निवर्तमान अध्यक्ष प्रकाश पाण्डे लगाएत पुर्व अध्यक्ष दिपक गुरूङ र विष्णु हरि पाण्डेले कार्यकालको सफलताको शुभकामना दिनुका साथै आगामी दिनमा निरन्तर साथ र सहयोग रहने प्रतिबद्धता व्यक्त गरे ।
कार्यक्रममा ललितपुर इक्यान निवर्तमान अध्यक्ष उपेन्द्र देव ढकालले शाखाको उतरोत्तर प्रगतिका लागि नयाँ कार्यसमितिलाई सहयोग जारी राख्ने प्रतिबद्धता जनाए।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
