आन्दोलनपछि पाँच दिन रोकिएको भुक्तानी प्रणाली आज खुल्यो

काठमाडौं । पाँच दिनदेखि बन्द भएको सरकारी भुक्तानी प्रणाली पुनः सञ्चालनमा आएको छ। भदौ २३ र २४ गतेको जेनजी आन्दोलनका कारण महालेखा नियन्त्रक कार्यालयले भुक्तानी रोकिएको थियो।

नयाँ सरकारको निर्देशनसँगै आजदेखि पुनः भुक्तानी सुरु भएको उपमहालेखा नियन्त्रक ओम प्रसाद रिजालले जानकारी दिएका छन्। यससँगै तलब–भत्ता पाउने कर्मचारी तथा निर्माण क्षेत्रमा संलग्न करिब २० लाख मजदुरले दसैंअघि रकम प्राप्त गर्ने भएका छन्।

नेपाल निर्माण व्यवसायी महासंघका अध्यक्ष रवि सिंहले भुक्तानी रोकिँदा मजदुरको जीविका र बजार दुवै प्रभावित हुने चेतावनी दिएका थिए। अब प्रणाली खुलेसँगै अर्थतन्त्रमा गतिशीलता आउने र मजदुरलाई दसैं सहज हुने अपेक्षा गरिएको छ।