भक्तपुरको गठ्ठाघरमा केन्द्रीय कमिटी बैठक हुँदै १५ एजेण्डा तय ,जिल्ला र प्रदेश अधिवेशनको मिति निर्धारणबारे छलफल हुने

काठमाडौँ, २५ मंसिर । नेकपा एमालेको केन्द्रीय कमिटी बैठक  हुँदैछ ।

भक्तपुरको गठ्ठाघरमा हुँदै गरेको बैठकमा १५ एजेण्डा तय भएको थियो। बैठकमा बाँकी केन्द्रीय सदस्यहरुको शपथ ग्रहण, महाधिवेशनको समीक्षा, केन्द्रीय कमिटी सदस्यहरुको मनोनयन, पोलिटब्युरो गठन र स्थायी कमिटीको गठन थियो ।

यस्तै केन्द्रीय सल्लाहकार परिषद् गठन, केन्द्रीय सदस्यहरुको कार्य विभाजन, प्रदेशमा रिक्त पदाधिकारीको मनोनयन, जिल्ला र प्रदेश अधिवेशनको मिति निर्धारणबारे पनि छलफल हुने एमालेले जनाएको थियो ।

विधान सम्पादन र नियमावली संशोधन, बैठक सञ्चालन कार्यविधि, केन्द्रीय कार्यालय व्यवस्थापन, महाधिवेशनको सन्देश तथा पार्टी प्रवेश अभियान, वरीयता क्रम निर्धारण र जनसङ्गठनको सुदृढीकरण अभियानलाई पनि बैठकको कार्यसूची बनाइएको थियो ।