काठमाडौं — नेपाल अटोमोबाइल इम्पोर्टर्स एण्ड म्यानुफ्याक्चरर्स एशोसिएसन (नेइमा) ले आज अर्थ मन्त्रालयका राजस्व सचिव भोपाल बरालसँग शिष्टाचार भेटवार्ता सम्पन्न गरेको छ। भेटका क्रममा नेपालको अटोमोबाइल क्षेत्रसँग सम्बन्धित समसामयिक विषयहरू विस्तृत रूपमा छलफल गरिए।
सचिव बरालले अटो उद्योगको प्रवर्द्धन, कर संरचना, नीतिगत सुधार र बजार स्थायित्वसम्बन्धी मुद्दामा नेइमाको सक्रिय भूमिकाको प्रशंसा गरेका छन्। उनले निजी क्षेत्र र मन्त्रालयबीच समन्वयले उद्योग विस्तार तथा आर्थिक समृद्धिमा योगदान पुग्ने विश्वास व्यक्त गरे।
नेइमाका पदाधिकारीहरूले सदस्य संस्थाहरूको संयुक्त प्रयासले नेपालमा आवागमन तथा सवारी साधन सम्बन्धी सेवा तथा रोजगारी सिर्जना गर्ने संकेत गरेको ठहर गरेका छन्। साथै, कर नीति र सुविधाका विषयमा थप संवाद र सहकार्यका लागि मन्त्रालयसँग नियमित बैठकहरू जारी राख्ने प्रतिबद्धता व्यक्त गरियो।
भेटमा नेइमा र मन्त्रालयका प्रतिनिधिहरूका साथै सम्बद्ध सरोकारवालाहरू उपस्थित थिए। छलफलले आगामी नीतिगत पहल र उद्योग मैत्री वातावरण निर्माणतर्फ सकारात्मक संकेत दिएको आयोजकले जनाएको छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
