एमालेमा अनुशासन आयोग, लेखा आयोग र निर्वाचन आयोग शक्तिशाली अब सोझै महाधिवेशनप्रति मात्र उत्तरदायी

काठमाडौँ । एमालेले तीन आयोगलाई शक्तिशाली बनाएको छ । ललितपुरको गोदावरीमा तीन दिनदेखि जारी प्रथम विधान अधिवेशनले १५ मध्ये तीनवटा आयोगलाई शक्तिशाली बनाएको हो ।

यी आयोगलाई शक्तिशाली बनाउनका लागि महाधिवेशनप्रति उत्तरदायी रहने बनाइएको एमाले उपमहासचिव विष्णु पौडेलले जानकारी दिनुभयो ।

शक्तिशाली बनेको अनुशासन आयोग, लेखा आयोग र निर्वाचन आयोग अब सोझै महाधिवेशनप्रति मात्र उत्तरदायी हुनेछन् । यी आयोग केन्द्रमा मात्र रहनेछन् । लेखा परीक्षण आयोगको नाम भने संशोधन गर्दै लेखा आयोग बनाइएको छ ।