प्लाष्टिकजन्य फूलगुच्छाको बिक्री वितरण रोक्न शुक्रवारदेखि अनुगमन गर्ने

काठमाडौं  | वातावरण विभागले शुक्रबारदेखि प्लाष्टिकजन्य फूलगुच्छाको उत्पादन, आयात बिक्री वितरण रोक्न माइकिङ तथा अनुगमन गर्ने भएको छ ।  विभागले सूचना जारी गर्दै प्लाष्टिकजन्य फूल गुच्छाको आयात, बिक्री वितरणमा रोक लगाएको  छ ।

सरकारले गत साउनमा राजपत्रमा प्रकाशन गरेर प्लाष्टिकजन्य फूलगुच्छाको उत्पादन,आयात बिक्री, वितरण वा भण्डारणमा रोक लगाएको थियो । तिहार र छठमा प्लाष्टिकजन्य फूलमालाहरु बिक्री बढि हुनेहँदा सरकारले बिक्रिवितरणमा रोक लगाउँन लागेको हो ।

सरकारले शुक्रवारदेखि नै बजारमा प्लाष्टिकजन्य फूल बेच्न र प्रयोग नगर्न माइकिङ गर्ने र यति गर्दागदै  बजारमा बिक्रीवितरण गरेको  भेटिएमा तत्काल १ लाख रुपैयाँसम्म जरिवाना गरिने छ ।

अनुगमनका क्रममा सरकारको निर्णय विपरित कुनै कार्य गरेको पाइएमा वातावरण संरक्षण ऐनको दफा २२ को उपदफा (४) को  खण्ड (क) वा (ख) बमोजिम १५ हजारदेखि २० हजार रुपैयाँसम्म जरिवाना हुने र सोही ऐनको दफा ४१ को उपदफा (२) बमोजिम विभागका महानिर्देशकबाट १ लाख रुपैयाँसम्म जरिवाना हुने सुचनामा उल्लेख  छ ।