काठमाडौँ । माछापुच्छ्रे बैंकले सूचना प्रविधि क्षेत्रमा कार्यरत व्यवसायलाई लक्षित गर्दै ‘सूचना प्रविधि कर्जा’ योजना सार्वजनिक गरेको छ। डिजिटल उद्यमलाई विस्तार, नवप्रवर्तन र प्रतिस्पर्धात्मक क्षमता अभिवृद्धि गर्न सहयोग पुर्याउने उद्देश्यसहित उक्त योजना ल्याइएको बैंकले जनाएको छ।
बैंकका अनुसार यस कर्जा योजनाअन्तर्गत न्यूनतम १० लाख रुपैयाँदेखि अधिकतम १ करोड रुपैयाँसम्म कर्जा उपलब्ध गराइनेछ। सूचना प्रविधि तथा सफ्टवेयर क्षेत्रमा कम्तीमा दुई वर्षदेखि सञ्चालनमा रहेका कम्पनीहरूले यस योजनामा आवेदन दिन सक्ने व्यवस्था गरिएको छ।
कर्जा योजनामा निर्यात बिल छुट, आयोजना कर्जा, कार्यशील पूँजी कर्जा तथा अवधियुक्त कर्जा जस्ता विभिन्न विकल्पहरू समावेश गरिएको बैंकले जनाएको छ। यसबाट सूचना प्रविधि क्षेत्रमा संलग्न उद्यमीलाई आवश्यक वित्तीय स्रोत सहज रूपमा उपलब्ध हुने अपेक्षा गरिएको छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
