
एजेन्सी । चीनको उत्तरपूर्वी क्षेत्रस्थित एक रेस्टुरेन्टमा भएको भीषण आगलागीमा परी कम्तीमा २२ जनाको मृत्यु भएको छ भने अन्य केही घाइते भएका छन्। स्थानीय अधिकारीहरूका अनुसार लिआओनिङ प्रान्तको पानजिन सहरमा रहेको उक्त रेस्टुरेन्टमा सोमबार दिउँसो अचानक आगलागी भएको थियो। बेइजिङको सरकारी प्रसारकले जनाएअनुसार उक्त घटनामा परी तीन जना घाइते भएका छन् ।
लियाओयाङ सहर राजधानी बेइजिङबाट करिब ५ सय ८० किलोमिटर उत्तरपूर्वमा पर्छ । प्रारम्भिक विवरणअनुसार आगलागीको कारण ग्यास चुहावट हुनसक्ने अनुमान गरिएको छ। आगलागीपछि घटनास्थलमा दमकल टोली पुगेर करिब एक घण्टाको प्रयासपछि आगो नियन्त्रणमा लिएको बताइएको छ। घटनास्थलमा उद्धारकार्य जारी रहँदा केही घाइतेलाई नजिकैको अस्पतालमा भर्ना गरिएको छ, जसमध्ये केहीको अवस्था गम्भीर रहेको बताइएको छ।
रेस्टुरेन्टमा आगो लाग्दा भित्र खाना खान आएका ग्राहक तथा त्यहाँ कार्यरत कर्मचारीहरू मारिनेहरूको सूचीमा परेको अधिकारीहरूले जनाएका छन्। हाल घटनाको विस्तृत अनुसन्धान भइरहेको जनाइएको छ।
चिनियाँ सामाजिक सञ्जालमा घटनासम्बन्धी तस्बिर तथा भिडियोहरू सार्वजनिक भइरहेका छन्, जसमा रेस्टुरेन्टबाट कालो धुँवाको मुस्लो निस्किएको देखिन्छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे