लू निभाःको रजत जयन्ती समारोह सम्पन्न

काठमाण्डौ पुष, ४।लुनिभाःबाल सरोकार समुहले पुष २, २०७९, शनिवारका दिन काठमाडौं स्थित राष्ट्रिय सभा गृहमाआफ्नो रजतजयन्ती कार्यक्रम सम्पन्न गरेको छ । बाल क्लवबाट शुरु भई राष्ट्रिय अभियानको नेतृत्वतह सम्म आईपुग्दा सफलताका अनुभव आदानप्रदान संगै विविध कार्यक्रम मनाउदै रजत जयन्ती कार्यक्रम सम्पन्न भएको छ ।

खोकनामा शिक्षाको चेतना जगाउने अभिप्रायले एउटा बाल क्लवबाट सुरु भएको अभियान अहिले देशकै पिछडिएका र जोखिम परिस्थितिमा रहेका बालबालिकाका हक र अधिकार संरक्षण र सम्बद्र्धनक लागि क्रियाशिल छ ।

बालबालिकाका लागि बालबालिकाद्वारा सञ्चालित यस लू निभाःबाल सरोकार समूह आफ्नो बालक्लव देखि राष्ट्रिय अभियान सम्मको यात्राका वारे सरोकारवालाहरु लाई आदानप्रदान गर्ने प्रमुख उद्देश्यका साथ सो कार्यक्रम सम्पन्नभएको हो ।लूनिभाःले आफ्नो रजतजयन्तीको उपलक्ष्यमा विविध कार्यक्रम सम्पन्न गरिएको छ ।

नेपाल कै इतिहासमा पहिलो पल्ट मानवअधिकार कर्मीहरु, नागरिक समाजका प्रतिनिधिहरु, शिक्षक तथा बालबालिका एकै ठाउँमा बसेर बालबालिकाका सवालहरुमा नागरिक संवाद सञ्चालन गर्नु आफैमा ऐतिहासिक रहेको छ ।

ऐतिहासिक नगरी खोकनाको एउटा गुठी भवनमा राखी सम्पन्न उक्त कार्यक्रममा बालबालिकाको हक, अधिकारको संरक्षण र विकास को अवस्था आशातीत सुधार ल्याउनका लागि नेपाल सरकार देखि सबै सरोकारवालाहरु अझै जिम्मेवारी ढंगले प्रस्तुत हुनुपर्ने निश्कर्षका साथ कार्यक्रम सम्पन्न भएको थियो ।

रजतजयन्ती कै उपलक्ष्यमा नेपाल रेडक्रस सोसाइटीसंगको सहकार्यमा रक्तदान कार्यक्रम पनि सम्पन्न गरिएको थियो । बालबालिकालाई अतिरिक्त विषयका सम्वन्धमा अन्वेषणका लागि प्रेरित गरि सो विषयसंग संलग्नता हासिल गर्न सहयोग गर्ने उद्देश्यका साथ ललितपुरका महाङ्काल गाउपालिका, कोन्ज्योसोम गाउपालिका र गोदावरी नगरपालिकासंगको सहकार्यमा पालिका स्तरीय निबन्ध प्रतियोगिता पनि सम्पन्न गरिएको छ ।

सांस्कृतिक नृत्य, बालगीत र अपाङ्गता भएका बालबालिकाहरुको प्रस्तुती सहितको समापन कार्यक्रम राष्ट्रिय सभागृहमा राष्ट्रिय सभाका अध्यक्ष सम्माननीय गणेश प्रसाद तिमल्सिनाज्यूको प्रमुखआतिथ्यतामा सम्पन्न भएको छ ।

कार्यक्रममा विशेष अतिथिका रुपमा वरिष्ठ समाजसेवी राधिकाशाक्य र वरिष्ठ हाँस्यकलाकार एवं समाजसेवी मदन कृष्ण श्रेष्ठ उपस्थित हुनुहुन्थ्यो । समापनमा बोल्दै प्रमुख अतिथि सम्माननीय गणेश प्रसादतिमल्सिना ज्यू ले बालबालिकामा लगानी बढाउनु पर्ने र लू निभाःको २५ बर्षे कार्यप्रति आभार ब्यक्तगर्नुभयो ।

कार्यक्रममा कोन्ज्योसोम गाउपालिकाका अध्यक्ष कृष्णमान लामा तथा उपाध्यक्ष राजन प्रसाद घिमिरे अतिथिका रुपमा उपस्थिति रहेको थियो ।

कार्यक्रममा उपत्यकाका विद्यालयका प्रअहरु,शिक्षक,बालबालिका तथा शिक्षा क्षेत्रमा काम गर्ने विभिन्न राष्ट्रिय तथा अन्तर्राष्ट्रिय गैर सघं संस्थाका प्रमुख तथा प्रतिनिधिहरु, नागरिक समाजका प्रतिनिधिहरु र पत्रकारहरु गरि जम्मा ५२५जनाको सहभागिता रह्यो ।रजत जयन्तीको अवसरमा लू निभाःको २५ बर्षे यात्राबालक्लव देखि राष्ट्रिय अभियान सम्म नामक पूस्तक बिमोचन भएको थियो ।

साथै लू निभाः लू निभाःगीत बिमोचन भएको थियो जसका संगीतकार तथा रचनाकार बरिष्ठ संगीतकार जुगल डंगोल र स्वर बालगायिका अलोन्सा डंगोल थिए । संस्थाका अध्यक्ष रुपामूनाकर्मीको सभा अध्यक्षतामा सम्पन्न उक्तकार्यक्रम संस्थाका कार्यक्रम ब्यवस्थापक संन्तराम डंगोलले संचालन गर्नुभएको हो ।

लू निभाःका संस्थापक अध्यक्ष तथा कार्यकारी निर्देशक नरेन्द्र डंगोल ज्यूले लूनिभाःको २५ वर्षको उपलब्धी र भावीकार्यदिशाको वारे सार्वजनिक गर्दै कार्यक्रम समापन गरिएको थियो ।