नाफामा उल्लेख्य ४०.९७% वृद्धि
यो नाफा अघिल्लो वर्षको सोही अवधिको तुलनामा ४०.९७ प्रतिशतले बढी हो। गत वर्ष यस अवधिसम्म बैंकको नाफा २ अर्ब ९२ करोड रुपैयाँमा सीमित थियो।
इम्पेयरमेन्ट चार्ज घट्दा नाफा बढ्यो
बैंकको खुद ब्याज आम्दानी ७.९९% घटेर कुल सञ्चालन आम्दानीमा १.५४% गिरावट देखिए पनि, इम्पेयरमेन्ट चार्ज भारी मात्रामा घटेपछि मुनाफा उल्लेखनीय रूपमा बढेको हो।
इम्पेयरमेन्ट चार्ज ३ अर्ब ५८ करोडबाट घटेर १ अर्ब १८ करोडमा झरेको विवरणमा उल्लेख छ। यसैका कारण सञ्चालन मुनाफा ३८.५५% ले वृद्धि भएको हो।
कमिसन आम्दानीमा १०% वृद्धि
समीक्षा अवधिमा खुद कमिसन आम्दानी १०.०५ प्रतिशतले बढेको छ, जसले बैंकको गैर-ब्याज आम्दानी मजबुत बनाएको छ।
EPS र Net Worth अनुपात
प्रतिसेयर आम्दानी (EPS) १६ रुपैयाँ ९१ पैसा पुगेको छ, जुन गत वर्षको तुलनामा ४ रुपैयाँ ९१ पैसाले वृद्धि हो।
गत असारसम्म बैंकको वितरणयोग्य मुनाफा ३ अर्ब ५३ लाख रुपैयाँ पुगेको छ। वितरणयोग्य EPS १२ रुपैयाँ ३४ पैसा र प्रतिसेयर नेटवर्थ १८६ रुपैयाँ ६३ पैसा रहेको छ।
बैंकको मूल्य-आम्दानी अनुपात (P/E Ratio) १४.१२ गुणा रहेको छ।
निक्षेप र कर्जामा सन्तुलित वृद्धि
लक्ष्मी सनराइज बैंकले गत आर्थिक वर्षको अन्त्यसम्म ३ खर्ब ६७ अर्ब रुपैयाँ निक्षेप संकलन गरेको छ। सोही अवधिमा २ खर्ब ७५ अर्ब रुपैयाँ कर्जा प्रवाह गरेको छ।
बैंकको चुक्ता पुँजी २४ अर्ब ३४ करोड रुपैयाँ छ भने जगेडा कोषमा २१ अर्ब ९ करोड रुपैयाँ सञ्चित रहेको छ।
