धार्मिक द्वन्द्व रोक्न नेपाललाई धार्मिक स्वतन्त्रतासहितको हिन्दुराष्ट घोषणा गर्नुपर्छ:कमल थापा

काठमान्डौ  -विराटनगरमा आइतबार पत्रकार सम्मेलन गर्दै अध्यक्ष  कमल थापाले निकट भविष्यमा   राप्रपासँग सहकार्य हुनसक्ने बताएका छन्र ।

पार्टीको अगुवा कार्यकर्ता भेलाका लागि विराटनगर आएका थापाले डेढ दशकयता राजसंस्थासहितको प्रजातन्त्रका लागि पहल गरेको बताउँदै राजसंस्था फर्कन सक्ने अवस्था नरहेको दाबी गरे ।

अध्यक्ष  कमल थापाले  भने हामी कांग्रेस, एमाले माओवादीसँग सहकार्य गर्न सक्छौं भने राप्रपासँग सहकार्य गर्न नसक्ने भन्ने कुरा आउँदैन् तर सहकार्य र एकताका लागि राजसंस्थालाई हेर्ने दृष्टिकोणमा सुधार गर्नुपर्छ।

राजसंस्था पुनर्स्थापित हुनसक्ने सम्भावना शून्य भैसकेको भन्दै उनले भने “हिन्दु, बौद्ध र किरात धर्मप्रति संगठित रुपमा आतंक सिर्जना गरिएको र यो प्रकृयालाई रोक्न नसके धार्मिक द्वन्द्व हुनसक्ने खतरा रहन्छ”  ।