गाजामा इजरायली हवाई आक्रमण: १० प्यालेस्टिनीको मृत्यु, ठूलो जनधनको क्षति

एजेन्सी । इजरायली सेनाले गाजा क्षेत्रमा भयंकर आक्रमण गर्दै कम्तीमा १० प्यालेस्टिनीलाई मृत्युको घाटमा पुर्याएको छ। सो आक्रमणमा दर्जनौं प्यालेस्टिनी घाइते भएका छन्। इजरायली सेनाले हवाई हमलासहित थुप्रै स्थानमा आक्रमण गरेको बताइएको छ। गाजा पट्टीका विभिन्न सहरमा सोमबार भएका इजरायली हवाई आक्रमणमा करिब १६ जनाको मृत्यु भएको छ। दुई आवासीय घरमा भएको आक्रमणमा ४ जनाको ज्यान गएको छ।

प्यालेस्टिनी स्वास्थ्य अधिकारीहरूले घटनाबारे जानकारी दिँदै, यस हप्ता इजरायली आक्रमणका कारण मृतक र घाइतेको संख्या बढिरहेको बताएका छन्। हवाई हमलाहरूले गाजाका विभिन्न इलाकामा ठूलो क्षति पुर्याएको छ।

यो आक्रमण त्यस समयमा भएको हो जब इजरायल र प्यालेस्टिन बीचको तनाव तीव्र भएको छ र नयाँ संघर्षका कारण नागरिकको अवस्था कठिन हुँदै गएको छ। सयौँ परिवारहरू आफ्नो घरबाट विस्थापित भइसकेका छन् ।