काठमाडौं – इन्टरनेशनल कन्सल्टेन्सी सेन्टर क्यानाडा (ICCC) ले क्यानडा भिसा समिट २०२५ को आयोजना पुस २५ गते, बिहान ११ बजेदेखि दिउँसो ३ बजेसम्म आफ्नो पुतलीसडकस्थित कार्यालयमा गर्ने घोषणा गरेको छ।
कार्यक्रममा क्यानडाका प्रतिष्ठित शैक्षिक संस्थाहरू जस्तै सेन्टेनियल कलेज, लेकहेड विश्वविद्यालय, सेनेका पॉलिटेक्निक, डरहम कलेज, जोर्जियन कलेज, र साउथ अल्बर्टा इन्स्टिच्युट अफ टेक्नोलोजी (SAIT) का प्रतिनिधिहरू सहभागी हुनेछन्।
आयोजक संस्थाका अनुसार, यो समिटले क्यानडामा अध्ययन गर्न चाहने विद्यार्थीहरूलाई पाठ्यक्रम, छात्रवृत्ति, र करियरका अवसरहरूबारे विस्तृत जानकारी दिनेछ। साथै, विद्यार्थी भिसा प्राप्त गर्न आवश्यक प्रक्रियामा विज्ञ मार्गदर्शन उपलब्ध गराउने छ।
कार्यक्रमले विद्यार्थीहरूलाई क्यानडामा उच्च शिक्षाका सम्भावनाहरू अन्वेषण गर्ने, आफ्ना जिज्ञासाहरू समाधान गर्ने, र अध्ययनका लागि विश्वकै उत्कृष्ट गन्तव्यहरूमध्ये एकतर्फ पहिलो पाइला चाल्न प्रेरित गर्ने अवसर प्रदान गर्नेछ।
ICCC ले समिटमा सहभागी हुन इच्छुक विद्यार्थीहरूलाई समयमै स्थान सुरक्षित गर्न ०१-५९१५४५० वा ०१-५९१५४५१ मा सम्पर्क गर्न आग्रह गरेको छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
