हेलिकप्टर दुर्घटनामा भारतका चिफ अफ डिफेन्स स्टाफ बिपिन रावतको निधन

२०७८ मङ्सिर २२ ।भारतका पहिलो चिफ अफ डिफेन्स स्टाफ ९सीडीएस० का जनरल बिपिन रावतको ६३ वर्षको उमेरमा निधन भएको छ । तमिलनाडुमा भएको हेलिकप्टर दुर्घटनामा जनरल रावत र उहाँकी पत्नी मधुलिकाको निधन भएको हो ।भारतीय वायु सेनाले ट्वीट गर्दै यसको जानकारी दिएको हो । दुर्घटनाग्रस्त हेलिकप्टरमा १४ जना सवार रहेकामा १३ जनाको ज्यान गएको हो ।

सीडीएस बिपिन रावत सवार हेलिकप्टर तमिलनाडुको कुन्नूरमा दुर्घटना भएको थियो ।दुर्घटनामा घाइते भएका एक जनाको उपचार भइरहेको छ । हेलिकप्टर कोयम्बटोरमा रहेको सुलुर आईएएफ सैन्य सिविरबाट वेलिङ्गटनमा रहेको ‘डिफेन्स स्टाफ कलेज’ तर्फ जाँदै थियो ।भारतीय वायु सेनाका अनुसार यो एमआई(१७बी ५ हेलिकप्टर थियो । यसमा दुई वटा इन्जिन हुन्छ र यसलाई सुरक्षित मानिन्छ ।रक्षा मन्त्री राजनाथ सिंहले आज दिउँसो नै बिपिन रावतको घर पुगेर उहाँको परिवारसँग भेट गर्नुभएको थियो । त्यसपछि सेनाध्यक्ष मनोज मुकुन्द नरवणे पनि बिपिन रावतको घर पुग्नुभएको थियो ।

जनरल रावत सन् २०२० को जनवरी १ मा देशको पहिलो चिफ डिफेन्स अफ स्टाफ नियुक्त हुनुभएको थियो ।यो हेलिकप्टर दुर्घटनाको कारण पत्ता लगाउनका लागि जाँचको आदेश दिइएको वायु सेनाले जनाएको छ ।जनरल रावत यसअघि भारतीय सेनाको प्रमुख भइसक्नुभएको थियो । उहाँ सन् २०१६ डिसेम्बर ३१ तारिखदेखि २०१७ जनवरीसम्म भारतका २६ औँ सेना प्रमुख रहनुभएको थियो ।जनरल रावतको जन्म सन् १९५८ मार्च १६ मा उत्तराखन्डको पौडी जिल्लामा एक सैन्य परिवारमा भएको थियो । उहाँको बुबा सेनामा लेफ्टिनेन्ट जनरल हुनुहुन्थ्यो ।भारतीय सेनाको वेबसाइटमा दिइएको जानकारीअनुसार जनरल रावत सन् १९७८ मा सेनामा भर्ना हुनुभएको थियो ।