स्वतन्त्र उम्मेदवार बालेन्द्र साहको विजय सुनिश्चित

काठमाडौँ, ११ जेठ । काठमाडौँ महानगरपालिकाको मेयरमा स्वतन्त्र उम्मेदवार बालेन्द्र साह निर्वाचित भएका छन् । अन्तिम मतपरिणाम सार्वजनिक हुन वाँकि छदै बालेनको विजय सुनिश्चित भएको हो ।

काठमाडौँ महानगरपालिकामा कूल १ लाख ९१ हजार १२५ मत खसेकोमा अहिलेसम्म १ लाख ७१ हजार ८०२ मतको गणना भइसकेको छ । अब १९३२३ मत मात्र गन्न बाँकी छ । यतिबेला बालेनले निकटतम प्रतिस्पर्धी कांग्रेसकी सिर्जना सिंह श्रेष्ठसँग २०३७६ मतको अग्रता बनाएका छन् ।

पछिल्लो मत परिणाम अनुसार बालेन ५६ हजार मत नजिक पुगेका छन्। बालेन्द्रले ५५७४७ मत प्राप्त गरेका गर्दा उनका निकटतम् प्रतिद्वन्द्वीका गठबन्धनबाट उम्मेदवार बनेकी कांग्रेसकी सिर्जना सिंहले ३५३७१ मत प्राप्त गरेकी छन्। एमालेका केशव स्थापितले ३४६२६ मत पाएका छन् । त्यस्तै, अर्का स्वतन्त्र उम्मेदवार सुमन सायमीले पनि १० हजार ३२२ मत पाएका छन् ।