क्यानडामा अध्ययनका लागि आ.सि.सि.सि को प्रि-डिपार्चर सेसन सम्पन्न

काठमाडौं । पुतलिसडकस्थित अन्तर्राष्ट्रिय करियर काउन्सिलिङ सेन्टर (ICCC) ले हालै क्यानडामा अध्ययन प्रि-डिपार्चर सेसन सम्पन्न गर्यो। कार्यक्रमले क्यानडामा अध्ययन गर्न जान लागेका नेपाली विद्यार्थीहरूलाई शिक्षानीति, यात्रा सुझाव र ICCC को सेवाहरूका बारेमा महत्त्वपूर्ण जानकारी प्रदान गर्>यो। कार्यक्रमले विद्यार्थीहरू, काउन्सिलरहरू र विज्ञहरूलाई एकसाथ ल्याउँदै उनीहरूको चिन्ताहरूलाई सम्बोधन गर्न र नयाँ जीवनका लागि तयारी गराउन सहयोग पुर्यायो।

अध्यक्ष राम खड्काको स्वागत मन्तव्य कार्यक्रमको शुरुवात ICCC का अध्यक्ष राम खड्काको स्वागत मन्तव्यबाट भयो। खड्काले विद्यार्थीहरूलाई नयाँ शैक्षिक वातावरणमा सहज संक्रमणका लागि तयार गराउनको महत्त्वलाई जोड दिए। उनले क्यानडाको शिक्षानीतिमा भएका पछिल्ला परिवर्तनहरू, भिसा नियम, पोस्ट-ग्राजुएसन वर्क परमिट (PGWP) को अवधि विस्तार र अन्तर्राष्ट्रिय विद्यार्थीहरूका लागि ल्याइएका नयाँ उपायहरूको चर्चा गरे। “क्यानडा नेपाली विद्यार्थीहरूको लागि गुणस्तरीय शिक्षा, सांस्कृतिक विविधता र अनुकूल आप्रवासन नीतिका कारण शीर्ष गन्तव्य बनेको छ। तर, नवीनतम नियमहरूबारे जानकारी राख्नु अत्यावश्यक छ,” खड्काले भने।

वरिष्ठ काउन्सिलर शर्मिला अधिकारीद्वारा प्रि-डिपार्चर प्रस्तुति कार्यक्रममा वरिष्ठ काउन्सिलर शर्मिला अधिकारीले प्रि-डिपार्चर सेसनको नेतृत्व गरिन्। उनले यात्रा तयारी, सांस्कृतिक अनुकूलन रणनीति र क्यानडामा बसाइको व्यावहारिक सल्लाहको प्रस्तुति दिइन्। उनले विद्यार्थीहरूलाई प्रस्थान अघि आवश्यक कागजात व्यवस्थापन, फ्लाइट बुकिङ, र आरम्भिक खर्चको तयारीजस्ता बुँदाहरूमा मार्गदर्शन गरिन्। IELTS र PTE तयारीमा सुझाब IELTS र PTE प्रशिक्षक सुरज मोक्तान तामाङले विद्यार्थीहरूलाई भाषागत तयारीका टिप्स दिए। उनले IELTS र PTE परीक्षामा उच्च अंक ल्याउनका लागि नियमित अभ्यास, सही तयारी र कमजोर पक्ष सुधार गर्नुपर्ने बताए। RCIC कृति खनालद्वारा आप्रवासन जानकारी कार्यक्रमको अन्त्यमा RCIC कृति खनालले क्यानडामा अध्ययनको क्रममा आवश्यक भिसा नियम र स्थायी बसोबासका मार्गहरूबारे जानकारी दिइन्।