होटल फरेष्ट इनको आईपीओ बाँडफाँड

काठमाडौँ। होटल फरेष्ट इन लिमिटेडको आईपीओ आज बाँडफाँड गरिएको छ। धितोपत्र बिक्री प्रबन्धक एनआईसी एशिया क्यापिटलले काठमाडौंको बुढानिलकण्ठस्थित होलिडे इन रिसोर्टमा बिहानै बाँडफाँड कार्यक्रम सम्पन्न गरेको हो।

बाँडफाँडमा करिब ३ लाख ३२ हजार आवेदकले प्रत्येक १० कित्ताका दरले सेयर पाएका छन्। कम्पनीले गत माघ २२ देखि २६ गतेसम्म सर्वसाधारणका लागि आईपीओ निष्कासन गरेको थियो। क्यापिटलका अनुसार, कम्पनीको आईपीओमा कुल २६ लाख ६० हजार ४५२ आवेदकले २ करोड ९९ लाख ७८ हजार ८६० कित्ता सेयर खरिदका लागि आवेदन दिएका थिए। तीमध्ये २४ लाख ४ हजार ४७७ आवेदनबाट २ करोड ६१ लाख ५७ हजार ३६० कित्ता सेयर आवंटन भएको छ।

आईपीओमा मागभन्दा बढी आवेदन परेको हुँदा गोलाप्रथा ९लटरी० मार्फत सेयर बाँडफाँड गरिएको हो। नतिजा कम्पनीको  वेबसाइटबाट हेर्न सकिने जानकारी दिइएको छ।