राइसिना संवादमा ‘जलवायु विपत्ति’ विषयक प्यानल, अनुकूलन एजेन्डामा उच्चस्तरीय छलफल

एजेन्सी। राइसिना संवाद २०२५ अन्तर्गत “जलवायु विपत्ति: अनुकूलन एजेन्डा ” शीर्षकमा आयोजित प्यानल छलफलमा विभिन्न देशका उच्चस्तरीय प्रतिनिधिहरूले जलवायु परिवर्तनसँग जुझ्न आवश्यक नीति र रणनीतिबारे विचार व्यक्त गरेका छन्।

१८ मार्च २०२५ मा आयोजित उक्त प्यानलमा क्युबाका उपप्रधानमन्त्री एडुआर्डो मार्टिनेज डियाज, माल्दिभ्सका विदेश मन्त्री अब्दुल्ला खलील, नेपालको परराष्ट्र मन्त्री आरजु राणा देउवा, भूटानका विदेश तथा बाह्य व्यापार मन्त्री डी.एन. ढुंगेयल, तथा ग्लोबल विन्ड इनर्जी काउन्सिल अफ्रिकाकी निर्देशक वान्गारी मुचिरीले सहभागिता जनाएका थिए। जर्मन काउन्सिल अन फरेन रिलेसन्सको जलवायु तथा विदेश नीति केन्द्र प्रमुख किरा भिन्केले कार्यक्रमको सञ्चालन गर्नुभएको थियो।

प्यानलमा वक्ताहरूले जलवायु परिवर्तनका बढ्दो असर, त्यसका कारण उत्पन्न चुनौती तथा प्रभावकारी अनुकूलन रणनीतिबारे विचारविमर्श गरेका थिए। साथै, जलवायु संकट समाधानका लागि अन्तर्राष्ट्रिय सहकार्यको आवश्यकता र नीतिगत सुधारहरूलाई प्राथमिकता दिनुपर्ने विषयमा जोड दिएको बताइएको छ।