ओली र लेखकको बन्दीप्रत्यक्षीकरण रिटमाथि आज पनि सुनुवाइ हुँदै

काठमाडौं । पूर्वप्रधानमन्त्री केपी शर्मा ओली र पूर्वगृहमन्त्री रमेश लेखकले दायर गरेको बन्दीप्रत्यक्षीकरण रिटमा आज पनि सर्वोच्च अदालतमा सुनुवाइ भइरहेको छ। आइतबारदेखि सुरु भएको बहसमा उनीहरूको पक्षका वकिलहरूले आफ्नो कुरा राखिसकेका छन्। आज भने सरकारी वकिलहरूले सरकारको तर्फबाट जवाफ दिनेछन्।

सरकारले ‘जेनजी’ आन्दोलनको घटनामा बनेको आयोगको प्रतिवेदन कार्यान्वयन गर्दै चैत १४ गते दुवै जनालाई पक्राउ गरेको थियो। उनीहरूका परिवारले पक्राउ गैरकानुनी भएको भन्दै अदालतमा रिट हालेका हुन्। अहिले अदालतमा पक्राउ सही हो कि होइन भन्ने विषयमा बहस भइरहेको छ।