क्षयरोग नियन्त्रणका लागि सरकारले नयाँ प्राथमिकतासहित अघि बढ्नुपर्छ: मन्त्री पौडेल

काठमाडौँ, ११ चैत । स्वास्थ्य तथा जनसंख्यामन्त्री प्रदीप पौडेलले क्षयरोगको न्यूनीकरणका लागि सरकारले प्राथमिकताहरू बदलेर प्रभावकारी कदम चाल्नुपर्नेबताएका छन् । सोमवार भक्तपुरमा आयोजित एक कार्यक्रमलाई सम्बोधन गर्दै उनले भने कि सरकारले यसको न्यूनीकरणका लागि नयाँ र प्रभावकारी नीतिहरू अपनाउन आवश्यक छ। मन्त्री पौडेलले मित्रराष्ट्रसँग सहकार्य गर्दै साझा नीति अपनाउनुपर्ने बताए।

उनले थप्नुभयो कि अहिले खर्च गर्ने तर शतप्रतिशत उपलब्धि नहुनुको कारणले नीतिगत व्यवस्थामा सुधार गर्न जरुरी छ। यसका लागि क्षयरोग केन्द्रमा सबै सेवाहरू उपलब्ध गराउने अस्पताल सञ्चालन गर्ने आवश्यकता रहेको र आगामी आर्थिक वर्षको बजेटमा यसका लागि व्यवस्था गरिने प्रतिबद्धता जनाए।

मन्त्री पौडेलले १४९ टिबी फ्रि पालिका घोषणा गर्ने निर्णय गरिसकेको र यो लक्ष्य प्राप्त गर्न कठिन भए पनि बाँकी पालिकाहरूलाई कसरी अगाडि बढाउने भन्ने बारे स्पष्ट नीति बनाउनु पर्नेमा जोड दिए । उनले क्षयरोग पत्ता लगाउन स्थानीय तहलाई सक्रिय बनाउनु पर्ने आवश्यकता रहेको पनि बताए ।