सुनको मूल्य प्रतितोला दुई लाख १२ हजार

काठमाडौँ । सुनको भाउमा नयाँ रेकर्ड बनाउँने क्रम जारी रहेको छ । शुक्रबार प्रतितोला दुई लाख १० हजार चार सय रुपैयाँ पुगेको सुनको मूल्य आज आइतबार प्रतितोला १६ सय रुपैयाँले बढेर दुई लाख १२ हजार रुपैयाँ पुगेको छ। शुक्रबार सुनको मूल्य प्रतितोला २ लाख १० हजार ४ सय रुपैयाँ रहेको थियो ।

यता चाँदीको मूल्यले पनि नयाँ रेकर्ड बनाएको छ । आइतबार चाँदीको मूल्य हालसम्मकै उच्चरहेको छ । आज चाँदी प्रतितोला २५ सय रुपैयाँ पुगेको छ । शुक्रबार प्रतितोला दुई हजार चार सय ९० रुपैयाँमा कारोबार भएको थियो ।