प्रतितोला ५ हजार ६ सयले बढ्याे सुनको भाउ

काठमाडौँ । आज आइतबार नेपाली बजारमा सुन र चाँदी दुवैको भाउ बढेको छ। आज सुनको मूल्य प्रतितोला ५ हजार ६ सय रुपैयाँले बढेर ३ लाख १० हजार ३ सय रुपैयाँ पुगेको छ। यसअघि शुक्रबार सुन प्रतितोला ३ लाख ४ हजार ७ सय रुपैयाँमा कारोबार भएको थियो।

यस्तै, चाँदीको मूल्य पनि बढेको छ। शुक्रबार प्रतितोला ५ हजार ५० रुपैयाँमा कारोबार भएको चाँदी आज आइतबार ५ हजार ४ सय २५ रुपैयाँ पुगेको छ। चाँदीको भाउ एकै दिनमा प्रतितोला ३ सय ७५ रुपैयाँले बढेको हो।

नेपाल सुनचाँदी व्यवसायी महासंघका अनुसार अन्तर्राष्ट्रिय बजारको असरका कारण पछिल्ला दिनमा सुनचाँदीको मूल्य लगातार उतारचढाव भइरहेको छ।