आज पनि बढ्यो सुनको मूल्य

काठमाडौँ , १८ भदौ । नेपाली बजारमा आज (बुधबार)  सुनको मूल्यले नयाँ रेकर्ड बनाएको छ । नेपाल सुनचाँदी व्यवसायी महासंघका अनुसार आज छापावाला सुनको मूल्य प्रतितोला २ लाख ७ हजार ९०० रुपैयाँ रहेको छ । मंगलबारको तुलनामा सुनको यो मूल्य तोलामा २ हजार रुपैयाँले बढेको हो । यो मूल्य हालसम्मकै उच्च हो। यसअघि मंगलबार छापावाल सुन तोलामा २ लाख ५ हजार ९०० रुपैयाँ रहेको थियो ।

यता आज ( बुधबार)  चाँदीको मूल्य भने घटेको छ । मंगलबार तोलामा २ हजार ४८५ रुपैयाँ रहेको चाँदीको मूल्य बुधबार घटेर २ हजार ४८० रुपैयाँ रहेको महासंघले जनाएको छ ।