प्रतितोला २७ सयले घट्यो सुनको मूल्य

काठमाडौँ , ४ माघ । आज नेपाली बजारमा सुनको मूल्यमा भारी गिरावट देखिएको छ। नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ६७ हजार पाँच सय रूपैयाँमा कारोबार भइरहेको छ। यो मूल्य अघिल्लो दिनको तुलनामा दुई हजार सात सय रूपैयाँ घटेको हो। शुक्रबार छापावाल सुन प्रतितोला एक लाख ७० हजार दुई सय रूपैयाँमा कारोबार भएको थियो।

त्यस्तै ,चाँदी प्रतितोला १५ रुपैयाँले घटेको छ । शुक्रबार चाँदी प्रतितोला एक हजार नौ सय ७० रूपैयाँमा रहेकोमा आज एक हजार नौ सय ५५ रूपैयाँमा कारोबार भइरहेको महासंहले जनाएको छ।