मेचीदेखि महाकालीसम्म ‘एभरेष्ट स्पेसल सेभिङ्ग’ले ग्राहकलाई आकर्षित गर्दै

काठमाडौं, नेपालको बैंकिङ क्षेत्रमा तीन दशकदेखि सेवा पुर्‍याउँदै आएको एभरेष्ट बैंक लिमिटेडले “एभरेष्ट स्पेसल सेभिङ्ग खाता” योजना सार्वजनिक गरेको छ। बैंकले ‘दिगो, दरिलो र विश्वासिलो सेवा’ नारासहित उक्त बचत योजना ल्याएको हो, जसले मेचीदेखि महाकालीसम्मका ग्राहकहरूलाई लक्षित गरेको छ।

बैंकले यो योजनाअन्तर्गत विभिन्न आकर्षक सुविधा उपलब्ध गराउने जनाएको छ। खाता खोल्ने ग्राहकलाई निम्न सेवाहरू प्रदान गरिनेछ:

• ५ लाख रुपैयाँसम्मको दुर्घटना बीमा

• १ लाख रुपैयाँसम्मको स्वास्थ्य बीमा

• क्रेडिट कार्ड सुविधा

• लकर शुल्कमा ५०% छुट

• डेबिट कार्ड र डी–म्याट सेवा निःशुल्क

• मोबाईल बैंकिङ्ग सेवा पूर्ण रूपमा निःशुल्क

बैंकले यो खाता ग्राहकले अनलाइनमार्फत पनि खोल्न सक्ने व्यवस्था गरेको छ। साथै, ग्राहकहरूको सेवा सहज बनाउन २४ घण्टा ७ दिन खुला रहने ग्राहक सेवा केन्द्र समेत सञ्चालनमा रहेको छ।

 बैंकका अनुसार, ‘एभरेष्ट स्पेसल सेभिङ्ग’ योजना उच्चतम सुरक्षासहित आधुनिक बैंकिङ सेवा प्राप्त गर्न चाहने ग्राहकहरूका लागि उपयोगी हुनेछ।